میری پارو ___

آج بھی بارش ٹوٹ کے برسی
جیسے اس دن ...
یاد ہے تم کو
جل تھل تو اس روز بھی تھا جب 
ہم تم پہلی بار ملے تھے

جاڑے کی وہ سرد ہوائیں 
اُڑتے پھرتے زرد سے پتے
بن میں پت جھڑ
اجڑے پیڑ، پرندے، موسم
لیکن میرے دل کے اندر
اجلے اجلے رنگ دھنک کے
جیسے آنگن میں چندا ہو
جیسے ہر سو پھول کھلے ہوں
جیسے آنچل میں تارے ہوں
یاد ہے تم کو؟ 

پارو، پارو
"پارو، میری پیاری پارو۔"

جانتے ہو نا؟
جب تم مجھ سے یہ کہتے تھے
پارو میری پیاری پارو
جانتے ہو نا؟
جب تم مجھ کو دیکھتے تھے تو، 
رنگ حسیں تر ہوجاتے تھے

اب کے برس بھی
آئی بہاریں
کونپل پھوٹیں، 
رنگ دھنک کے 
جھڑگئے مجھ سے
چاندنی راتیں
ہوئیں اماوس
ماند پڑی پھر، تیری پارو!
ٹوٹ گئی پھر، تیری پارو!
تجھ سے بچھڑ کر، 
خود سے بچھڑ کر 
مرگئی پارو

تبصرے

  1. Adnan Elahi4 جون، 2015 کو 11:15 AM

    اب کے برس بھی
    آئی بہاریں
    کونپلیں پھوٹیں
    رنگ دھنک کے
    جھڑ گئے مجھ سے
    چاندنی راتیں
    ہوئیں اماوس راتیں

    ایک عمدہ تحریر

    جواب دیںحذف کریں
  2. Superior Yasin5 جون، 2015 کو 11:41 AM

    "جاڑے کی وہ سرد ہوائیں
    اُڑتے پھرتے زرد سے پتے
    بن میں پت جھڑ
    اجڑے پیڑ، پرندے، موسم"
    یہ میرا پسندیدہ ترین موسم ہے، اکثر ٹہلتے ٹہلتے بہت دور نکل جایا کرتا ہوں بہت سکون ملتاہے۔
    اس خوبصورت تحریر کی آخری چند سطروں پر سوائے مسکرانے کےمیں کچھ نہیں کہنا چاہتا۔ :ڈ

    جواب دیںحذف کریں
  3. Tech Content7 جون، 2015 کو 12:29 AM

    بہت خوب بہت مشکل صنف کا انتخاب کیا ہے بہت عمدہ جاری رکھیں

    جواب دیںحذف کریں
  4. Unknown3 ستمبر، 2016 کو 11:19 PM

    پھر آیا جاڑا اور خوبصورت امتزاج لال پیلے مالٹائ رنگوں کا۔ خوبصورتی سے لکھا گیا۔

    جواب دیںحذف کریں
  5. Unknown3 ستمبر، 2016 کو 11:19 PM

    پھر آیا جاڑا اور خوبصورت امتزاج لال پیلے مالٹائ رنگوں کا۔ خوبصورتی سے لکھا گیا۔

    جواب دیںحذف کریں

ایک تبصرہ شائع کریں

اس بلاگ سے مقبول پوسٹس

محبت نامہ، صاحب جان کے نام _

میرے صاحب جان، کتنے دن ہوگئے آپ کی کوئی خبر نہیں ہے۔ آج پھر بہت دل گرفتہ ہوں،اکثر سوچتی تھی کہ جب بھی آپ سے بات ہوگی  میں ان تمام کیفیات کا اظہار کروں گی جن سے میری کوئی شناسائی نہ تھی مگر آپ کو سامنے پاکر کانپتے ہونٹ اور گنگ زبان کچھ بھی نہ  کہہ پائے۔ آج محبت کی شدت جذبات کے ساتھ انصاف نہیں کر پا رہی سو میں نے قلم اٹھایا ہے اس غبار کو اپنے اندر سے نکالنے کیلئے کہ محبت کا بہترین مجرب عمل تو اظہارِ محبت ہی ہے۔  غیرمحسوس طریقے سے جب کوئی آپکے دل کے ان خانوں پر قابض ہو جائے جو شاہراہِ عام نہیں ہوتے تو دل کیا کرے؟ محبت کی  یہی خامی ہے کہ جب ہوتی ہے تو نفع نقصان نہیں دیکھتی۔ بس ایک اصول ہے کہ محبت کو کبھی جھک کر نہیں اٹھانا چاہیئے۔ جب تک آپ میری زندگی میں نہیں تھےتو  زندگی بے جان لگتی تھی۔ کہیں کچھ کمی  کا احساس تھا پھر آپ دبے پاؤں زندگی میں آ گئے تو جیسے رنگوں کی بہار آگئی۔ عجیب سا رشتہ تھا۔ شروع شروع کی محبت کے نشے کا سرور بھی الگ ہی  تھا اور اس شخص کو کھونے کا ڈر بھی جو کبھی میرا تھا ہی نہیں۔ آپ مُسکراتے تو میں مُسکراتی، آپ غُصہ کرتے تو ...
مزید پڑھیں

Lest I Wither In Despair__

We were hit by a storm last night. The blinding lightning and the roar of thunder woke me up even from my deep sleep. “Amamoh?” I whispered, the soft sound of my own voice drowned out by the loud thunder outside. Silence. I got out of bed and listlessly walked to the window. The raging storm once again began to stir up the now-familiar feeling of despair within me. I stared into the darkness of the night, which echoed the darkness inside me. Against my better judgment, I opened the rattling window. A gust of cold wind swept in accompanied by an angry flurry of raindrops, sending my hair flying into a tangled mess. I stood there in silence, listening to the thunder, soaking in its magnificence without flinching or backing away from the storm that greeted me. ----------------------------------------- “I have a feeling I don’t have much time to live, Amamoh.” “Shh… don’t say such things. You have to live for our wedding, you have to live for our walks along the Niagara Falls in ...
مزید پڑھیں

جب بھی ملتی ہے مجھے اجنبی لگتی کیوں ہے----__

میں یہ سطریں لکھتے وقت ٹرین میں بیٹھی ہوں۔ ارادہ تھا کہ ڈھائی گھنٹے کے پیرس تک کے سفر کے دوران مطالعہ کروں گی لیکن ٹرین کی تیز رفتار اور بھٹکتی سوچوں نے ایسا نہ ہونے دیا۔ کتاب کھولتے ہی سر چکرانے لگا سو میں نے کتاب بند کرکے آئی پیڈ کھول کر  لکھنا شروع کردیا۔  صبح تیار ہونے اور ٹویٹ کرنے کے دوران ایک ناقابلِ یقین خبر ملی۔ ایک جاننے والے صاحب جن کی بظاہر بےحد چاہنے والی بیگم تین دن پہلے انتقال کر گئیں تھیں، نے انکے سوئم کے روز شادی کر لی۔  میں اس جوڑے کو ذاتی طور پر جانتی تھی۔ میں نے جب یہ خبر سنی تو مجھے یقین نہیں آیا۔ دونوں کی محبت کی مثالیں پورے خاندان میں دی جاتیں۔ میں نے وہ محبت اپنی آنکھوں سے دیکھی تھی اور سوچتی تھی کتنے خوش نصیب ہیں یہ دونوں جن کو ایک دوسرے کی بےلوث محبت ملی۔ خاتون میکے چلی جاتیں تو بقول ان صاحب کے انکے حلق سے نوالہ نہ اترتا۔ خاتون اپنے شوہر کی بے مثال محبت کی باتیں سنا سنا کر نہال ہوتیں۔ شرمیلی اور مغرور مسکراہٹ سے بتاتیں کہ اگر وہ اپنے شوہر سے روٹھ جائیں تو وہ کھانا تک کھانا چھوڑ دیتے ہیں۔ غرض کہ انکی قابلِ رشک محبت کے چرچے ہر طرف تھے۔  تین دن...
مزید پڑھیں